Şöyle âlem-tâb olur ruhsâr-ı cânân her gece
Kim hayâdan gizlenir hurşîd-i rahşân her gece
Devlet-i hüsnünde her gün hil’at-ı rengîn giyip
Dâmenin dürr doldurur bu çeşm-i galtân her gece
Âh kim yüz derd ile öldürdü bu sevda beni
Kim yatar koynunda zülf-i anber-feşân her gece
Âferîn ol bezme kim onu muattar kılmağa
Cân buhûr eyler hayâl-i zülf-i cânân her gece
Ahmed’in köynüklerin söyler zebân-ı hâl ile
Bir ayak üzre durup şem’-i şebistân her gece
Categories: Şiirler
